'ಅ.3ರಂದು ಪ್ರಧಾನಿ ಮೋದಿ ಅಟಲ್‌ ಸುರಂಗ ಉದ್ಘಾಟಿಸುವ ಸಾಧ್ಯತೆ' - ಜೈ ರಾಮ್ ಠಾಕೂರ್

•   Mon, Sep 21 2020 05:18:05 PM



• ಶಿಮ್ಲಾ‌‌, ಸೆ 21(Daijiworld News/PY): ಅಕ್ಟೋಬರ್ 3ರಂದು ಹಿಮಾಚಲ ಪ್ರದೇಶದ ರೋಹ್ಟಾಂಗ್‌ನ ಲೇಹ್-ಮನಾಲಿ ಹೆದ್ದಾರಿಯಲ್ಲಿನ ಅಟಲ್ ಸುರಂಗವನ್ನು ಪ್ರಧಾನಿ ನರೇಂದ್ರ ಮೋದಿ ಅವರು ಉದ್ಘಾಟಿಸುವ ಸಾಧ್ಯತೆ ಇದೆ ಎಂದು ಮುಖ್ಯಮಂತ್ರಿ ಜೈ ರಾಮ್ ಠಾಕೂರ್ ಸೋಮವಾರ ತಿಳಿಸಿದ್ದಾರೆ.

  

  ಪ್ರಧಾನಿ ಮೋದಿ ಅವರು ಸುರಂಗದ ಉದ್ಘಾಟನೆಗಾಗಿ ಅ.3ರಂದು ಮನಾಲಿಗೆ ಬರುತ್ತಾರೆ. ಬಳಿಕ ಲಾಹೌಲ್‌ಗೆ ಭೇಟಿ ನೀಡಲಿದ್ದಾರೆ ಎಂದು ಠಾಕೂರ್ ಹೇಳಿದ್ದಾರೆ.

  ಮಾಧ್ಯಮಗಳು ಕೇಳಿದ ಪ್ರಶ್ನೆಯೊಂದಕ್ಕೆ ಉತ್ತರಿಸಿದ ಅವರು, ಅ.3ರಂದು ಲಾಹೌಲ್‌ ನಡೆಯುವ ರ್‍ಯಾಲಿಯ ಸಂದರ್ಭ ಪ್ರಧಾನಿ ನರೇಂದ್ರ ಮೋದಿ ಅವರು ಮಾತನಾಡುತ್ತಾರೆಯೇ ಎನ್ನುವ ಬಗ್ಗೆ ಇನ್ನೂ ಕೂಡಾ ತೀರ್ಮಾನ ಕೈಗೊಂಡಿಲ್ಲ ಎಂದಿದ್ದಾರೆ.

  ಈ ಸುರಂಗವು 10 ಸಾವಿರ ಅಡಿಗಳಿಗಿಂತ ಹೆಚ್ಚು ಉದ್ದವಾಗಿದ್ದು, ವಿಶ್ವದ ಅತಿ ಉದ್ದವಾದ ಹೆದ್ದಾರಿ ಸುರಂಗವಾಗಿದೆ.