ಜಾಧವ್‌ ಪರ ಭಾರತೀಯ ವಕೀಲ ನೇಮಕ - ಬೇಡಿಕೆ ತಿರಸ್ಕರಿಸಿದ ಪಾಕ್

•   Sat, Sep 19 2020 12:34:11 PM



• ಇಸ್ಲಾಮಾಬಾದ್, ಸೆ.19(DaijiworldNews/HR): ಕುಲಭೂಷಣ್ ಜಾಧವ್‌ಗೆ ಉಚಿತ ಮತ್ತು ನ್ಯಾಯಯುತ ವಿಚಾರಣೆಯನ್ನು ಖಚಿತಪಡಿಸಿಕೊಳ್ಳಲು ಭಾರತೀಯ ವಕೀಲ ಅಥವಾ ಕ್ವೀನ್​ ಕೌನ್ಸೆಲ್​​ ನೇಮಿಸಬೇಕು ಎಂಬ ಭಾರತದ ಬೇಡಿಕೆಯನ್ನು ಪಾಕಿಸ್ತಾನ ತಿರಸ್ಕರಿಸಿದೆ.

  

  ಈ ಬಗ್ಗೆ ಮಾತನಾಡಿದ ವಿದೇಶಾಂಗ ಕಚೇರಿ ವಕ್ತಾರ ಜಾಹಿದ್ ಹಫೀಜ್ ಚೌಧರಿ, ಪಾಕಿಸ್ತಾನದ ಮಿಲಿಟರಿ ನ್ಯಾಯಾಲಯ ಮರಣದಂಡನೆ ಶಿಕ್ಷೆಗೆ ಗುರಿಯಾದ ಕುಲಭೂಷಣ್ ಜಾಧವ್​ ಅವರ ಪರ ಪಾಕಿಸ್ತಾನದ ಹೊರಗಿನ ವಕೀಲರನ್ನು ಪ್ರತಿನಿಧಿಸಲು ಅವಕಾಶ ನೀಡುವ ಬೇಡಿಕೆಯನ್ನು ಭಾರತ ನಿರಂತರವಾಗಿ ಮಾಡುತ್ತಿದೆ ಎಂದಿದ್ದಾರೆ.'

  ಇನ್ನು ಪಾಕಿಸ್ತಾನದಲ್ಲಿ ಕಾನೂನು ಅಭ್ಯಾಸ ಮಾಡಲು ಪರವಾನಗಿ ಹೊಂದಿರುವ ವಕೀಲರಿಗೆ ಪಾಕಿಸ್ತಾನದ ನ್ಯಾಯಾಲಯಗಳಲ್ಲಿ ಹಾಜರಾಗಲು ಅವಕಾಶವಿದೆ ಎಂದು ನಾವು ಭಾರತಕ್ಕೆ ತಿಳಿಸಿದ್ದೇವೆ. ಇದು ಅಂತಾರಾಷ್ಟ್ರೀಯ ಕಾನೂನು ಅಭ್ಯಾಸಕ್ಕೆ ಅನುಗುಣವಾಗಿದೆ. ಈ ವಿಚಾರದಲ್ಲಿ ಯಾವುದೇ ಬದಲಾವಣೆಗಳಿಲ್ಲ' ಎಂಬುದಾಗಿ ತಿಳಿಸಿದ್ದಾರೆ.