ಛತ್ತೀಸ್‌‌ಗಡ್‌‌ನಲ್ಲಿ ಗುಂಡಿನ ಚಕಮಕಿ - ನಾಲ್ವರು ನಕ್ಸಲರು ಬಲಿ

•   Wed, Aug 12 2020 02:30:05 PM



• ರಾಯ್ ಪುರ್, ಆ 12 (DaijiworldNews/PY): ಛತ್ತೀಸ್‌‌ಗಡದ ಸುಕ್ಮಾ ಜಿಲ್ಲೆಯಲ್ಲಿ ಬುಧವಾರ ನಕ್ಸಲರು ಹಾಗೂ ಭದ್ರತಾ ಪಡೆಗಳ ನಡುವೆ ನಡೆದ ಗುಂಡಿನ ದಾಳಿಯ ಸಂದರ್ಭ ನಾಲ್ವರು ನಕ್ಸಲರು ಸಾವನ್ನಪ್ಪಿದ್ದಾರೆ.

  

  ಬುಧವಾರ ಬೆಳಿಗ್ಗೆ 9.30ರ ಸುಮಾರಿಗೆ ಜಗರಗುಂಡ ಪ್ರಾಂತ್ಯದಲ್ಲಿ ಭದ್ರತಾ ಪಡೆಗಳು ಸೇರಿದಂತೆ ಜಿಲ್ಲಾ ಮೀಸಲು ಪಡೆ, ಕೇಂದ್ರ ಮೀಸಲು ಪಡೆಗಳು ಜಂಟಿ ಕಾರ್ಯಾಚರಣೆ ಮಾಡುತ್ತಿದ್ದವು ಎಂದು ಐಜಿಪಿ ಪಿ.ಸುಂದರ್‌‌ರಾಜ್‌‌‌ ಹೇಳಿದ್ದಾರೆ.

  ಜಂಟಿ ಕಾರ್ಯಾಚರಣೆ ನಡೆಸುತ್ತಿದ್ದ ಸಂದರ್ಭ ಫುಲಾಂಪರ್‌‌ ಗ್ರಾಮದ ಸಮೀಪ ನಕ್ಷಲರು ಭದ್ರತಾ ಪಡೆಗೆ ಮುಖಾಮುಖಿಯಾಗಿದ್ದು, ಗುಂಡಿನ ಚಕಮಕಿ ನಡೆದಿದೆ. ಈ ವೇಳೆ ನಾಲ್ವರು ನಕ್ಷಲರು ಸಾವನ್ನಪ್ಪಿದ್ಧಾರೆ.

  ಘಟನಾ ಸ್ಥಳದಿಂದ ಶಸ್ತ್ರಾಸ್ತ್ರ ಹಾಗೂ ಸ್ಪೋಟಕಗಳನ್ನು ವಶಕ್ಕೆ ಪಡೆದುಕೊಳ್ಳಲಾಗಿದೆ ಎಂದು ತಿಳಿಸಿದ್ದಾರೆ.