ದ.ಕ. ಜಿಲ್ಲೆಗೆ ರವಿವಾರ ಶುಭಸುದ್ದಿ-12 ಮಂದಿ ಗುಣಮುಖ-106 ವರದಿ ನೆಗೆಟಿವ್

•   Sun, May 31 2020 08:46:15 PM



• ಮಂಗಳೂರು, ಮೇ 31 (DaijiworldNews/SM): ಕೊರೊನಾ ತನ್ನ ಆರ್ಭಟವನ್ನು ನಿತ್ಯ ನಿರಂತರವಾಗಿ ಮುಂದುವರೆಸುತ್ತಿದೆ. ಈ ನಡುವೆ ದ.ಕ. ಜಿಲ್ಲೆಗೆ ರವಿವಾರ ಗುಡ್ ನ್ಯೂಸ್ ಸಿಕ್ಕಿದ್ದು, ಒಂದೇ ದಿನ 12 ಮಂದಿ ಸೋಂಕಿತರು ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆಗೊಂಡಿದ್ದಾರೆ.

  

  ಅದರಲ್ಲೂ ಖುಷಿಯ ವಿಚಾರವೆಂದರೆ, 3 ಹಾಗೂ 11 ವರ್ಷದ ಬಾಲಕಿಯರು, 71 ಹಾಗೂ 76 ವರ್ಷದ ವ್ಯಕ್ತಿಗಳು ಕೂಡ ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆಗೊಂಡಿದ್ದಾರೆ. ಇನ್ನುಳಿದಂತೆ 69, 41, 36 ವರ್ಷದ ಮಹಿಳೆರು ಹಾಗೂ 50, 39, 40, 44, 42 ವರ್ಷದ ಗಂಡಸರು ಸೇರಿದಂತೆ ಒಟ್ಟು 12 ಮಂದಿ ಬಿಡುಗಡೆಗೊಂಡಿದ್ದಾರೆ.

  ಇನ್ನು ಜಿಲ್ಲೆಯಲ್ಲಿ ಈ ದಿನ 120 ಮಂದಿಯ ಪರೀಕ್ಷಾ ವರದಿ ಲಭ್ಯವಾಗಿದ್ದು, ಈ ಪೈಕಿ 14 ಮಂದಿಯಲ್ಲಿ ಸೋಂಕು ದೃಢಪಟ್ಟರೆ, ದೊಡ್ಡ ಸಂಖ್ಯೆಯಲ್ಲಿ 106 ಮಂದಿಯ ವರದಿ ನೆಗೆಟಿವ್ ಬಂದಿದೆ. ಈ ಮೂಲಕ ಜಿಲ್ಲೆಯ ಜನತೆ ಸ್ವಲ್ಪ ಮಟ್ಟಿಗೆ ನಿರಾಳರಗಿದ್ದಾರೆ. ಇನ್ನೂ ಕೂಡ 231 ಮಂದಿಯ ಪರೀಕ್ಷಾ ವರದಿ ನಿರೀಕ್ಷಿಸಲಾಗಿದೆ.