'ಋತುಚಕ್ರದ ವೇಳೆ ಪೂಜೆಯಲ್ಲಿ ಭಾಗವಹಿಸಿದ್ದೆ' - ನಟಿ ಶ್ರದ್ಧಾ ಶ್ರೀನಾಥ್ ಬೋಲ್ಡ್ ಮಾತು

•   Sun, May 31 2020 04:43:32 PM



• ಬೆಂಗಳೂರು, ಮೇ 31 (Daijiworld News/MB) : "ಋತುಚಕ್ರದ ಸಂದರ್ಭದಲ್ಲಿ ಪೂಜೆಯಲ್ಲಿ ಭಾಗವಹಿಸಿದ್ದೆ" ಎಂದು ನಟಿ ಶ್ರದ್ಧಾ ಶ್ರೀನಾಥ್ ಅವರು ತನ್ನ ಮೊದಲ ಋತುಚಕ್ರದ ಬಗ್ಗೆ ಸಾಮಾಜಿಕ ತಾಣದಲ್ಲಿ ಬಹಿರಂಗವಾಗಿ ಬೋಲ್ಡ್‌ ಆಗಿ ಹೇಳಿದ್ದಾರೆ.

  

  ಈ ಬಗ್ಗೆ ತನ್ನು ಇನ್‌ಸ್ಟಾಗ್ರಾಂ ಪೋಸ್ಟ್‌ನಲ್ಲಿ ಹೇಳಿಕೊಂಡಿರುವ ಅವರು, "ಆಗ ನನಗೆ 14 ವಯಸ್ಸು. ಕುಟುಂಬದ ಒಂದು ಪೂಜೆಯಲ್ಲಿ ನಾನು ಭಾಗಿಯಾಗಿದ್ದಾಗ ನನಗೆ ಋತುಚಕ್ರವಾಗಿತ್ತು. ಆಗ ನನ್ನೊಂದಿಗೆ ತಾಯಿ ಇರಲಿಲ್ಲ, ಆದ್ದರಿಂದ ನಾನು ನನ್ನ ಚಿಕ್ಕಮ್ಮನೊಂದಿಗೆ ಕುಳಿತೆ ಹಾಗೂ ಆತಂಕದಿಂದ ಅವರಿಗೆ ಹೇಳಿದೆ. ( ಏಕೆಂದರೆ ನನ್ನ ಬಳಿ ಸ್ಯಾನಿಟರಿ ಪ್ಯಾಡ್ ಇರಲಿಲ್ಲ). ಈ ಸಂದರ್ಭದಲ್ಲಿ ಚಿಂತೆಯಲ್ಲಿದ್ದ ನನ್ನನ್ನು ನೋಡಿದ ಒಬ್ಬರು ಒಳ್ಳೆಯ ಮಹಿಳೆ, 'ಪರವಾಗಿಲ್ಲ ಚಿನ್ನ, ದೇವರು ಕ್ಷಮಿಸ್ತಾರೆ' ಎಂದು ಹೇಳಿದರು. ನಾನು 14 ವರ್ಷದವಳಿರುವಾಗಲೇ ಸ್ತ್ರೀವಾದಿ ಮತ್ತು ಈ ಸಂಪ್ರದಾಯಗಳನ್ನು ನಂಬದವಳಾದೆ" ಎಂದು ತಿಳಿಸಿದ್ದಾರೆ.

  ಜಗತ್ತಿನಾದ್ಯಂತ ಸೆಲೆಬ್ರಿಟಿಗಳು ಸಾಮಾಜಿಕ ಮಾಧ್ಯಮದಲ್ಲಿ ಯುನಿಸೆಫ್‌ನ #RedDotChallenge ಅನ್ನು ಸ್ವೀಕರಿಸಿದ್ದು ತಮ್ಮ ಅಂಗೈ ಮಧ್ಯದಲ್ಲಿ ಕೆಂಪು ಬಣ್ಣದ ಚುಕ್ಕೆ ಹೊಂದಿರುವ ಫೋಟೋವನ್ನು ಪೋಸ್ಟ್ ಮಾಡುವ ಮೂಲಕ ಋತುಚಕ್ರದ ನೈರ್ಮಲ್ಯದ ಬಗ್ಗೆ ತಮ್ಮ ಅನುಭವವನ್ನು ಹಂಚಿಕೊಳ್ಳುತ್ತಿದ್ದಾರೆ.

  ಇದೀಗ ನಟಿ ಶ್ರದ್ಧಾ ಶ್ರೀನಾಥ್ ಅವರು ಋತುಚಕ್ರದ ಸಂದರ್ಭದಲ್ಲಿ ತನಗಾದ ಅನುಭವದ ಬಗ್ಗೆ ಹಾಗೂ ತನ್ನ ನಿಲುವಿನ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ಬೋಲ್ಡ್‌ ಆಗಿ ಹಂಚಿಕೊಂಡಿದ್ದು ಇವರ ನಿಲುವಿಗೆ ಕೆಲವರು ಶಭಾಷ್‌ ಎಂದರೆ ಇನ್ನೂ ಕೆಲವರು ಇದಕ್ಕೆ ವಿರೋಧ ವ್ಯಕ್ತಪಡಿಸಿದ್ದಾರೆ.

  View this post on Instagram

  I was 14. At a family pooje, I got my period. I was not accompanied by my mom, so I nudged my aunt sitting next to me and worriedly informed her of it (because I was not carrying a sanitary pad). Another good natured lady sitting close, saw me worried and overheard me and said to me, smiling reassuringly, “Parvagilla chinna, devaru kshamistaare/ don’t worry child, God will forgive you” (for being part of the Pooja while menstruating). That’s the day I became a feminist and a non believer. I was 14.

  A post shared by Shraddha Srinath (@shraddhasrinath) on May 30, 2020 at 12:02am PDT