ಉಡುಪಿ: ಭಟ್ಕಳದ ಕೊರೊನಾ ಪೀಡಿತೆ ಗರ್ಭಿಣಿ ಡಾ.ಟಿಎಂಎ ಪೈ ಆಸ್ಪತ್ರೆಗೆ ದಾಖಲು

•   Fri, Apr 10 2020 03:14:11 PM



• ಉಡುಪಿ, ಏ 10 (Daijiworld News/MSP): ಭಟ್ಕಳದ ಮೂಲದ ಕೊರೊನಾ ಪೀಡಿತೆ, 26 ವರ್ಷ ಪ್ರಾಯದ ಗರ್ಭಿಣಿಯ ಆರೋಗ್ಯದಲ್ಲಿ ಏರುಪೇರು ಆದ ಹಿನ್ನಲೆಯಲ್ಲಿ ಹೆಚ್ಚಿನ ಚಿಕಿತ್ಸೆಗಾಗಿ ಉಡುಪಿಯ ಕೊರೊನಾಕ್ಕಾಗಿ ಮೀಸಲಿರಿಸಲಾಗಿರುವ ಡಾ.ಟಿಎಂಎ ಪೈ ಆಸ್ಪತ್ರೆಗೆ ದಾಖಲಿಸಲಾಗಿದೆ.

  

  ದುಬೈನಿಂದ ಮರಳಿದ ಪತಿಯ ಸಂಪರ್ಕದಿಂದ ಮಹಿಳೆಗೆ ಉಸಿರಾಟದ ಸಮಸ್ಯೆ ಕಂಡುಬಂದ ಹಿನ್ನಲೆಯಲ್ಲಿ, ಭಟ್ಕಳದ ತಾಲೂಕು ಆಸ್ಪತ್ರೆಗೆ ದಾಖಲಾಗಿಸಲಾಗಿತ್ತು. ಏ.7ರಂದು ಕೋವಿಡ್ -19 ವೈರಾಣು ಇರುವುದು ದೃಢಪಟ್ಟಿತ್ತು. ಆರೋಗ್ಯ ಸ್ಥಿತಿ ತೀವ್ರ ಬಿಗಡಾಯಿಸಿದ ಹಿನ್ನಲೆಯಲ್ಲಿ ಗುರುವಾರ ರಾತ್ರಿ ಹೆಚ್ಚಿನ ಚಿಕಿತ್ಸೆ ಲಭ್ಯವಿರುವ ಡಾ.ಟಿಎಂಎ ಪೈ ಆಸ್ಪತ್ರೆಗೆ ದಾಖಲಿಸಲಾಗಿದೆ ಎಂದು ಜಿಲ್ಲಾ ಆರೋಗ್ಯಾಧಿಕಾರಿ ಡಾ.ಸುಧೀರ್‌ಚಂದ್ರ ಸೂಡ ತಿಳಿಸಿದ್ದಾರೆ.

  ಡಾ.ಟಿಎಂಎ ಪೈ ಆಸ್ಪತ್ರೆಯೂ ಕೋವಿಡ್-19 ಚಿಕಿತ್ಸೆಗಾಗಿಯೇ ಮೀಸಲಾಗಿರಿಸಿದ್ದು, 80 ಐಸೋಲೇಟೆಡ್ ಹಾಸಿಗೆ ಹಾಗೂ 20 ಐಸೋಲೇಟೆಡ್ ಐಸಿಯು ಹಾಸಿಗೆಗಳು ಲಭ್ಯವಿದೆ.