23 ದಿನದ ಕಂದಮ್ಮನನ್ನು ಉರಿಯುವ ಒಲೆಗೆ ಹಾಕಿ ಕೊಂದ ತಾಯಿ

•   Fri, Mar 27 2020 01:08:00 PM



• ಚಿಕ್ಕಮಗಳೂರು, ಮಾ.27 (Daijiworld News/MB) : ಉರಿಯುವ ಒಲೆಗೆ ಹಾಕಿ 23 ದಿನದ ಹೆಣ್ಣು ಮಗುವನ್ನು ತಾಯಿಯೇ ಸಾಯಿಸಿದ ಆಘಾತಕಾರಿ ಘಟನೆ ಚಿಕ್ಕಮಗಳೂರು ಜಿಲ್ಲೆ ಕಡೂರು ಪಟ್ಟಣದಲ್ಲಿ ನಡೆದಿದೆ.

  

  ಉರಿಯುತ್ತಿರುವ ಒಲೆಗೆ ಮಗುವನ್ನು ಎಸೆದು ಕೊಂದ ಮಹಿಳೆ ದೊಡ್ಡಹಟ್ಟಿ ನಿವಾಸಿ ಸಂಗೀತಾ ಎಂಬವಳನ್ನು ಪೊಲೀಸರು ಬಂಧಿಸಿದ್ದಾರೆ.

  ಸಂಗೀತಾ ಉತ್ತರ ಪ್ರದೇಶದ ಅಮಿತ್‌ ಎಂಬವನನ್ನು ಪ್ರೀತಿಸಿ ಮದುವೆಯಾಗಿದ್ದಳು. ಮಾರ್ಚ್ ೨ ರಂದು ಆಕೆ ಹೆಣ್ಣು ಮಗುವಿಗೆ ಜನನ ನೀಡಿದ್ದು ಹೆಣ್ಣು ಮಗು ಎಂಬ ಕಾರಣಕ್ಕೆ ಕೆಲವರು ಟೀಕೆ ಮಾಡಿದ್ದರಿಂದ ಗೀತಾ ಈ ಕೃತ್ಯ ಮಾಡಿದ್ದಾಳೆ ಎಂದು ಹೇಳಲಾಗಿದೆ.

  ಮಾರ್ಚ್ 25 ರಂದು, ಅವಳು ಮಗುವಿಗೆ ಕಚ್ಚಿದ್ದಳು ಹಾಗೂ ಒಲೆಗೆ ಹಾಕಿದ್ದಳು. ಬಾತ್‌ರೂಂ ನಿಂದ ವಿಚಿತ್ರ ವಾಸನೆ ಬರಲು ಪ್ರಾರಂಭಿಸಿದ ನಂತರ ಸಂಗೀತ ತಂದೆ ಮತ್ತು ಗ್ರಾಮಸ್ಥರು ಅನುಮಾನಗೊಂಡು. ಅವರು ಒಳಗೆ ನುಗ್ಗಿದರು ಎನ್ನಲಾಗಿದೆ.

  ಈ ಕುರಿತು ಕಡೂರು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.