ದಕ್ಷಿಣ ಫಿಲಿಪ್ಪೀನ್ಸ್​ನ ಮಿಂದಾನೌ ದ್ವೀಪದಲ್ಲಿ ಭೂಕಂಪ

•   Thu, Oct 17 2019 12:39:37 PM



• ಮನಿಲಾ, ಅ.17(Daijiworld News/SS): ದಕ್ಷಿಣ ಫಿಲಿಪ್ಪೀನ್ಸ್​ನ ಮಿಂದಾನೌ ದ್ವೀಪದಲ್ಲಿ 6.4 ತೀವ್ರತೆಯ ಪ್ರಬಲ ಭೂಕಂಪ ಸಂಭವಿಸಿರುವ ಕುರಿತು ವರದಿಯಾಗಿದೆ.

  

  ರಿಕ್ಟರ್​ ಮಾಪಕದಲ್ಲಿ ದಾಖಲಾದ 6.4 ತೀವ್ರತೆಯ ಪ್ರಬಲ ಭೂಕಂಪದಿಂದಾಗಿ ಐವರು ಸಾವಿಗೀಡಾಗಿ ಸುಮಾರು 60 ಮಂದಿ ಗಾಯಗೊಂಡಿರುವ ಘಟನೆ ದಕ್ಷಿಣ ಫಿಲಿಪ್ಪೀನ್ಸ್​ನ ಮಿಂದಾನೌ ದ್ವೀಪದಲ್ಲಿ ನಡೆದಿರುವುದಾಗಿ ತಿಳಿದುಬಂದಿದೆ. ಫಿಲಿಪ್ಪೀನ್ಸ್​​ನ ಜ್ವಾಲಾಮುಖಿ ಮತ್ತು ಭೂಕಂಪನ ಸಂಸ್ಥೆಯು 15 ಅಡಿ ಆಳದಲ್ಲಿ 6.3 ತೀವ್ರತೆಯ ಪ್ರಬಲ ಭೂಕಂಪನವನ್ನು ದಾಖಲಿಸಿಕೊಂಡಿದೆ.

  ಮ್ಯಾಗ್ಸೆಸೆ ನಗರದಲ್ಲಂತೂ ಹೆಚ್ಚಿನ ಮನೆಗಳು ಸಂಪೂರ್ಣ ನಾಶವಾಗಿವೆ. ದಾವೋ ಡೆಲ್​ ಸರ್​ ಪ್ರದೇಶದಲ್ಲಿರುವ ಶಾಪಿಂಗ್​ ಮಾಲ್​ ಕಂಪನದ ಬಳಿಕ ಬೆಂಕಿ ತಗುಲಿ ಬೆಂಕಿಗೆ ಆಹುತಿಯಾಗಿದೆ. ಆದರೆ, ಭೂಕಂಪನದಿಂದಾಗಿ ಎಷ್ಟು ಪ್ರಮಾಣದಲ್ಲಿ ಹಾನಿಯಾಗಿದೆ ಎಂಬ ಅಧಿಕೃತ ಮಾಹಿತಿಯನ್ನು ಇನ್ನೂ ಬಹಿರಂಗಪಡಿಸಿಲ್ಲ. ಭೂಕಂಪನದಿಂದ ಮನೆ ಕುಸಿತವಾಗಿ ಉತ್ತರ ಕೊಟಬ್ಯಾಟೋ ಪ್ರಾಂತ್ಯದ ತುಲುನಾಂನಲ್ಲಿ 7 ವರ್ಷದ ಬಾಲಕಿ ಸಾವಿಗೀಡಾಗಿದ್ದಾಳೆ ಎಂದು ತಿಳಿದುಬಂದಿದೆ.