ದುಬಾರಿ ಸಂಚಾರ ದಂಡದ ಮೊತ್ತವನ್ನು ಇಳಿಸಿದ ರಾಜ್ಯ ಸರ್ಕಾರ

•   Sat, Sep 21 2019 08:43:39 PM



• ಬೆಂಗಳೂರು, ಸೆ.21(Daijiworld News/SS): ಕೇಂದ್ರ ಮೋಟಾರು ವಾಹನ‌ ಕಾಯ್ದೆ (ತಿದ್ದುಪಡಿ) ಅನ್ವಯ ಸೆ. 3ರಿಂದ ಹೆಚ್ಚಳಗೊಳಿಸಿರುವ ಸಂಚಾರ ನಿಯಮ ಉಲ್ಲಂಘನೆಯ ದಂಡ ಮೊತ್ತವನ್ನು ಕೊನೆಗೂ ಇಳಿಸಲಾಗಿದೆ.

  

  ರಾಜ್ಯ ಸರ್ಕಾರ ಇಂದು ಸಂಚಾರ ನಿಯಮ ಉಲ್ಲಂಘನೆಯ ದಂಡ ಮೊತ್ತವನ್ನು ಇಳಿಕೆ ಮಾಡಿ ಆದೇಶ ಹೊರಡಿಸಿದೆ. ಸಂಚಾರ ನಿಯಮ ಉಲ್ಲಂಘನೆ ಪರಿಷ್ಕೃತ ದಂಡವನ್ನು ರಾಜ್ಯ ಸರ್ಕಾರ ಪರಿಷ್ಕರಿಸಿದ್ದು, ನೂತನದ ದಂಡದ ವಿವರಗಳನ್ನು ಬಿಡುಗಡೆ ಮಾಡಿದೆ. ಈ ಮೂಲಕ ದುಬಾರಿ ದಂಡ ತೆತ್ತು ಸುಸ್ತಾಗಿದ್ದ ವಾಹನ ಸವಾರರಿಗೆ ಕೊಂಚ ರಿಲೀಫ್​ ಸಿಕ್ಕಂತಾಗಿದೆ.

  ಕೇಂದ್ರ ಸರ್ಕಾರ ಮೋಟಾರು ವಾಹನಗಳ ಕಾಯ್ದೆ ಅನ್ವಯ ಸಂಚಾರ ನಿಯಮ ಉಲ್ಲಂಘನೆಗೆ ವಿಧಿಸುತ್ತಿದ್ದ ದಂಡವನ್ನು ಹೆಚ್ಚಿಸಿ ದೇಶ ವ್ಯಾಪಿ ಸೆ.1ರಿಂದ ಜಾರಿಗೆ ತಂದಿತ್ತು. ರಾಜ್ಯದಲ್ಲಿ ಸರ್ಕಾರಿ ರಜೆ ಇದ್ದ ಕಾರಣ ಸಾರಿಗೆ ಇಲಾಖೆ ಸೆ.3 ರಂದು ಅಧಿಸೂಚನೆ ಹೊರಡಿಸಿತ್ತು. ಇದೀಗ ಸಂಚಾರಿ ನಿಯಮ ಉಲ್ಲಂಘನೆಯ ದಂಡದ ಬಗ್ಗೆ ತೀವ್ರ ವಿರೋಧ ವ್ಯಕ್ತವಾಗಿರುವ ಹಿನ್ನೆಲೆಯಲ್ಲಿ ಗುಜರಾತ್‌ ಮಾದರಿಯಲ್ಲಿ ದಂಡ ಶುಲ್ಕವನ್ನು ಇಳಿಕೆ ಮಾಡಲಾಗಿದೆ. ಯಾವುದಕ್ಕೆ ಎಷ್ಟು ಎನ್ನುವ ಪರಿಷ್ಕೃತ ದಂಡದ ವಿವರ ಈ ಕೆಳಗಿನಂತಿದೆ.

  ಹೊಸ ದಂಡದ ವಿವರ:
  ಹೆಲ್ಮೆಟ್ ಧರಿಸದಿದ್ರೆ 500 ರೂಪಾಯಿ ದಂಡ, ಸೀಟ್ ಬೆಲ್ಟ್ ಧರಿಸದಿದ್ರೆ 500 ರೂ. ದಂಡ, ಸುರಕ್ಷತಾ ಕ್ರಮ ಅನುಸರಿಸದಿದ್ರೆ ರೂ 500 ದಂಡ, ರಸ್ತೆ ನಿಯಮ ಉಲ್ಲಂಘನೆಗೆ ರೂ 1000 ರೂ. ದಂಡ, ಇನ್ಶೂರೆನ್ಸ್ ಇಲ್ಲದಿದ್ರೆ(ಬೈಕ್, ಆಟೋ)- ರೂ 2000 ದಂಡ, ಇನ್ಶೂರೆನ್ಸ್ ಇಲ್ಲದಿದ್ರೆ(ಕಾರು, ಜೀಪ್)- ರೂ 3000 ದಂಡ, ಇನ್ಶೂರೆನ್ಸ್ ರಹಿತ(ಭಾರಿ ವಾಹನ) - ರೂ 5000 ದಂಡ, ಲೈಸೆನ್ಸ್ ಇಲ್ಲದಿದ್ರೆ 1,000 ರೂಪಾಯಿ ದಂಡ, ಆಂಬುಲೆನ್ಸ್​ಗೆ ದಾರಿ ಬಿಡದಿದ್ರೆ ರೂ 1,000 ದಂಡ, ಅನಧಿಕೃತ ವ್ಯಕ್ತಿ ಚಾಲನೆ(ಬೈಕ್, ತ್ರಿಚಕ್ರ)-ರೂ 1000, ಅನಧಿಕೃತ ವ್ಯಕ್ತಿ ಚಾಲನೆ(ಕಾರು, ಜೀಪ್)- 2000 ರೂ., ಅನಧಿಕೃತ ವ್ಯಕ್ತಿ ಚಾಲನೆ(ಭಾರಿ ವಾಹನ)-5000 ರೂ., ಅತಿವೇಗ ಚಾಲನೆ(ಬೈಕ್, ತ್ರಿಚಕ್ರ)-1,500 ರೂ., ಅತಿವೇಗ ಚಾಲನೆ(ಕಾರು, ಜೀಪ್)-3000 ರೂ., ಅತಿವೇಗ ಚಾಲನೆ(ಭಾರಿ ವಾಹನ)-5000 ರೂ., ನೋಂದಣಿರಹಿತ ಚಾಲನೆ(ಬೈಕ್, ತ್ರಿಚಕ್ರ)-2000 ರೂ., ನೋಂದಣಿರಹಿತ ಚಾಲನೆ(ಕಾರು, ಜೀಪ್)-3000 ರೂ., ನೋಂದಣಿರಹಿತ ಚಾಲನೆ(ಕಾರು, ಜೀಪ್)-3000 ರೂ., ನೋಂದಣಿರಹಿತ ಚಾಲನೆ (ಭಾರಿ ವಾಹನ)-5000 ರೂ.ಗೆ ಇಳಿಕೆ ಮಾಡಲಾಗಿದೆ.