ಕಿಚ್ಚನ ಜೊತೆ ಮನವಿ ಮಾಡಿಕೊಂಡ ಕೆ.ಎಲ್ ರಾಹುಲ್ ಅಭಿಮಾನಿ!

•   Sun, Sep 08 2019 05:35:25 PM



• ಬೆಂಗಳೂರು,ಸೆ 08 (Daijiworld News/RD): ಭಾರತದ ಕ್ರಿಕೆಟ್ ತಂಡದ ಆಟಗಾರ ಕೆ.ಎಲ್ ರಾಹುಲ್ ಅಭಿಮಾನಿಯೊಬ್ಬರು ಸ್ಯಾಂಡಲ್ ವುಡ್ ನ ಕಿಚ್ಚ ಸುದೀಪ್ ಅವರಿಗೆ ಟ್ವಿಟ್ಟರ್ ನಲ್ಲಿ ವಿಶೇಷ ಮನವಿ ಮಾಡಿಕೊಂಡಿದ್ದರು. ಅಭಿಮಾನಿಯ ಮನವಿಗೆ ರೀ ಟ್ವೀಟ್ ಮಾಡುವ ಮೂಲಕ ಸುದೀಪ್ ಪ್ರತಿಕ್ರಿಯಿಸಿದ್ದಾರೆ.

  

  ಮುಂಬೈನಲ್ಲಿರುವ ಟ್ವಿಟ್ಟರಿನ ಕೇಂದ್ರ ಕಚೇರಿಯಲ್ಲಿರುವ `ಬ್ಲೂ ರೂಮ್’ ನಿಂದ ಲೈವ್ ಬಂದ ನಟ ಕಿಚ್ಚ ಸುದೀಪ್ ಅವರು #AskPailwan ಮೂಲಕ ಅಭಿಮಾನಿಗಳಿಗೆ ಪ್ರಶ್ನೆ ಕೇಳುವಂತೆ ಹೇಳಿದ್ದರು. ಈ ವೇಳೆ ಕ್ರಿಕೆಟ್ ಆಟಗಾರ ಕೆ.ಎಲ್ ರಾಹುಲ್ ಅವರ ಅಭಿಮಾನಿಯೋರ್ವ, “ನಾವು ಮೆಸೇಜ್ ಮಾಡಿದ್ದು ನೋಡಿದ್ದರೆ, ದೇವರೂ ರಿಪ್ಲೈ ಮಾಡುತ್ತಿದ್ದ. ಆದರೆ ನಮ್ಮ ಬಾಸ್ ಕಿಚ್ಚ ಸುದೀಪ್ ಅವರು ಮಾಡ್ತಿಲ್ಲ. ಯಾಕ್ರಿ ಸುದೀಪ್ ಅಣ್ಣಾ ರಿಪ್ಲೈ ಮಾಡಿ” ಎಂದು ಕನ್ನಡದಲ್ಲಿಯೇ ಟ್ವೀಟ್ ಮಾಡಿದ್ದರು.

  ಈ ಟ್ವೀಟ್ ನೋಡಿದ ಸುದೀಪ್, “ಏನು ತಂದೆ ನಿಮ್ಮ ಕೋರಿಕೆ” ಎಂದು ರೀ-ಟ್ವೀಟ್ ಮಾಡಿದ್ದಾರೆ. ಬಳಿಕ ರಾಹುಲ್ ಅವರ ಅಭಿಮಾನಿ, “ಧನ್ಯವಾದಗಳು. ಅಣ್ಣಾ ಜೀವನ ಪಾವನವಾಯಿತು. ತುಂಬಾ ತುಂಬಾ ಧನ್ಯವಾದಗಳು” ಎಂದು ಪ್ರತಿಕ್ರಿಯಿಸಿದ್ದಾರೆ.

  ಸ್ಯಾಂಡಲ್ ವುಡ್ ನ ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಅವರ ಪೈಲ್ವಾನ್ ಚಿತ್ರ ಬಿಡುಗಡೆ ಸಜ್ಜಾಗುತ್ತಿದ್ದು, ಸದ್ಯಕ್ಕೆ ಪ್ರಮೋಶನ್ ನಲ್ಲಿ ಚಿತ್ರತಂಡ ಬ್ಯುಸಿಯಾಗಿದೆ. ಈಗಾಗಲೇ ಅಭಿಮಾನಿಗಳು ಸಿನೆಮಾದ ಟಿಕೆಟ್ ಬುಕ್ ಮಾಡುತ್ತಿದ್ದಾರೆ. ತಮಿಳು ಮತ್ತು ಕನ್ನಡ ಭಾಷೆಯ ಟಿಕೆಟ್ ಬುಕ್ ಮೈ ಶೋದಲ್ಲಿ ಈಗ ಲಭ್ಯವಿದೆ.

  Yenu thandhe nimma korike 🤔 https://t.co/8s2VgLYeRF

  — Kichcha Sudeepa (@KicchaSudeep) September 7, 2019