' ಪಾಕಿಸ್ತಾನಿ ಕ್ರಿಕೆಟಿಗರ ಡಯಟಿಷಿಯನ್ ನಾನಲ್ಲ' - ಸಾನಿಯಾ ಮಿರ್ಜಾ

•   Tue, Jun 18 2019 12:38:32 PM



• ನವದೆಹಲಿ, ಜೂ 18 (Daijiworld News/MSP): ಸಾಂಪ್ರದಾಯಿಕ ಎದುರಾಳಿ ಭಾರತದ ವಿರುದ್ದದ ವಿಶ್ವಕಪ್ ಪಂದ್ಯದಲ್ಲಿ ಸ್ವಲ್ಪವೂ ಹೋರಾಟ ನೀಡದೆ ಹೀನಾಯವಾಗಿ ಸೋತ ಬಗ್ಗೆ ಪಾಕಿಸ್ತಾನ ಕ್ರಿಕೆಟಿಗರ ವಿರುದ್ಧ ಪಾಕ್​ ಅಭಿಮಾನಿಗಳ ಆಕ್ರೋಶ ಇನ್ನು ಕಮ್ಮಿಯಾಗಿಲ್ಲ. ಈ ನಡುವೆ ಪಾಕ್​ ಆಟಗಾರ ಶೋಯಬ್ ಮಲಿಕ್ ಮತ್ತು ಅವರ ಪತ್ನಿ ಭಾರತದ ಟೆನಿಸ್ ಆಟಗಾರ್ತಿ ಸಾನಿಯಾ ಮಿರ್ಜಾ, ಪಾಕಿಸ್ತಾನಿ ಕ್ರಿಕೆಟಿಗರ ಡಯಟಿಷಿಯನ್ ನಾನಲ್ಲ ಎಂದು ಟ್ವಿಟರ್ ನಲ್ಲಿ ಕಿಡಿಕಾರಿದ್ದಾರೆ. ಇದಕ್ಕೆ ಕಾರಣವಾಗಿದ್ದು ಪಾಕಿಸ್ತಾನಿ ನಟಿ ವೀಣಾ ಮಲಿಕ್ ಅವರ ಟ್ವೀಟ್.

  

  ಪಾಕಿಸ್ತಾನ ತಂಡದ​ ಕ್ರಿಕೆಟ್​ ಆಟಗಾರರು ಪಂದ್ಯದ ಹಿಂದಿನ ದಿನ ರಾತ್ರಿ ಮ್ಯಾಂಚೆಸ್ಟರ್​ನ ಶೀಶಾ ಕೆಫೆ ಬಾರ್​ನಲ್ಲಿ ಹುಕ್ಕಾ ಎಳೆಯುತ್ತ ಪಿಜ್ಜಾ, ಬರ್ಗರ್​ ತಿಂದು ಮಜಾ ಮಾಡುತ್ತಿದ್ದ ವಿಡಿಯೋ ವೈರಲ್ ಆಗಿತ್ತು. ಈ ಆಟಗಾರರೊಂದಿಗೆ ಸಾನಿಯಾ ಮಿರ್ಜಾ ಕೂಡಾ ಇದ್ದರು.ಫಿಟ್​ನೆಸ್​ ಚಿಂತೆಯೇ ಇಲ್ಲದೆ ಪಾಕ್ ಕ್ರಿಕೆಟಿಗರು ಜಂಕ್​ ಫುಡ್​ ತಿನ್ನುವ ವಿಡೀಯೋ ವೈರಲ್ ಆಗುತ್ತಿದ್ದಂತೆಯೇ , ಸಾನಿಯಾ ಮಿರ್ಜಾ, 'ನಮ್ಮ ಒಪ್ಪಿಗೆ ಇಲ್ಲದೆ ವಿಡಿಯೋ ತೆಗೆದು ಅಪ್​ಲೋಡ್​ ಮಾಡಿ ನಮ್ಮ ಪ್ರೈವೆಸಿಗೆ ಧಕ್ಕೆ ತರಲಾಗಿದೆ. ನಾವು ಊಟಕ್ಕೆ ತೆರಳಿದ್ದಾಗ ನಮ್ಮ ಜೊತೆ ಒಂದು ಮಗು ಕೂಡ ಇತ್ತು' ಎಂದು ಟ್ವೀಟಿಸಿದ್ದರು

  
  ಫಿಟ್​ನೆಸ್​ ಕಡೆಗೆ ಕಾಳಜಿ ವಹಿಸಿದೆ ಮ್ಯಾಚ್ ನ ಹಿಂದಿನ ರಾತ್ರಿಯೂ ಜಂಕ್​ ಫುಡ್​ ತಿಂದು, ಹುಕ್ಕಾ ಸೇವಿಸಿ ಮತ್ತು ಸಾನಿಯಾ ಮಿರ್ಜಾ ಜೊತೆ ಕಾಣಿಸಿಕೊಂಡಿದ್ದಕ್ಕೆ ಪಾಕ್​ ಅಭಿಮಾನಿಗಳು ಟ್ವಿಟ್ಟರ್​ನಲ್ಲಿ ಆಕ್ರೋಶ ಹೊರಹಾಕಿದ್ದರು. ಭಾರತದ ಎದುರು ಹೀನಾಯವಾಗಿ ಸೋಲಲು ಪಾಕ್ ತಂಡದ ಬೇಜವಾಬ್ದಾರಿ ನಡವಳಿಕೆಯೇ ಕಾರಣ ಎಂದು ಟೀಕಿಸಿದ್ದರು. ಇನ್ನು, ಈ ವಿಡಿಯೋ ಬಗ್ಗೆ ಟ್ವಿಟ್ಟರ್​ನಲ್ಲಿ ಪ್ರತಿಕ್ರಿಯೆ ನೀಡಿದ್ದ ಸಾನಿಯಾ ಮಿರ್ಜಾ, " ನಮ್ಮ ಅನುಮತಿ ಇಲ್ಲದೆ,  ವಿಡಿಯೋ ತೆಗೆದು ಅಪ್​ಲೋಡ್​ ಮಾಡುವ ಮೂಲಕ ನಮ್ಮ ಖಾಸಗಿತನಕ್ಕೆ ಧಕ್ಕೆ ತರಲಾಗಿದೆ. ನಾವು ಊಟಕ್ಕೆ ತೆರಳಿದ್ದಾಗ ನಮ್ಮ ಜೊತೆ ಒಂದು ಮಗು ಕೂಡ ಇತ್ತು" ಎಂದು ಟ್ವೀಟಿಸಿದ್ದರು.

  ಇದಕ್ಕೆ ಟ್ವಿಟ್ಟರ್​ ನಲ್ಲೇ ಪ್ರತಿಕ್ರಿಯೆ ನೀಡಿದ್ದ ಪಾಕ್ ನಟಿ ವೀಣಾ ಮಲಿಕ್," ನಿಮಗಿಂತ ನಾನು ನಿಮ್ಮೊಂದಿಗಿದ್ದ ಮಗುವಿನ ಬಗ್ಗೆ ಹೆಚ್ಚು ಯೋಚಿಸಿತ್ತಿದ್ದೇನೆ. ಆ ಪುಟ್ಟ ಮಗುವನ್ನು ಹುಕ್ಕಾ ಬಾರ್​ಗೆ ಕರೆಕೊಂಡು ಹೋಗಿದ್ದು ಎಷ್ಟು ಸರಿ? ಮಗುವಿನ ತಾಯಿಯಾಗಿ ಮತ್ತು ನೀವೊಬ್ಬ ಕ್ರೀಡಾಪಟುವಾಗಿ ಜಂಕ್​ಫುಡ್​ ಆರೋಗ್ಯಕ್ಕೆ ಉತ್ತಮವಲ್ಲ ಎಂದು ನಿಮಗೆ ಗೊತ್ತಿಲ್ಲವೇ?" ಎಂದು ಖಾರವಾಗಿ ಟ್ವೀಟಿಸಿದ್ದರು.

  ಇದಕ್ಕೆ ಸ್ಪಲ್ಪ ಖಡಕ್ ಆಗಿ ಉತ್ತರಿಸಿರುವ ಸಾನಿಯಾ ಮಿರ್ಜಾ, " ನನ್ನ ಮಗುವನ್ನುನಾನು ಬಾರ್​ಗೆ ಕರೆದುಕೊಂಡು ಹೋಗಿದ್ದೆ ಎಂದು ಹೇಳಿಲ್ಲ. ಅದ್ರೂ ಕೂಡಾ ಈ ಬಗ್ಗೆ ನೀವಾಗಲೀ ಅಥವಾ ಜಗತ್ತಿನ ಇನ್ಯಾರೇ ಆಗಲಿ ಈ ಬಗ್ಗೆ ತಲೆಕೆಡಿಸಿಕೊಳ್ಳುವ ಅಗತ್ಯವಿಲ್ಲ. ಮತ್ತು ಈ ವಿಚಾರಕ್ಕೂನಿಮಗೂ ಯಾವುದೇ ಸಂಬಂಧವಿಲ್ಲ! ನನ್ನ ಮಗುವಿನ ಬಗ್ಗೆ ಪ್ರಪಂಚದ ಇನ್ಯಾರೋ ತೋರುವ ಕಾಳಜಿಗಿಂತ ನೂರು ಪಟ್ಟು ಹೆಚ್ಚು ನಾನು ಮಗನ ಬಗ್ಗೆ ಕಾಳಜಿ ಇದೆ. ಇನ್ನೊಂದು ವಿಚಾರ, ಪಾಕಿಸ್ತಾನದ ಕ್ರಿಕೆಟಿಗರು ಜಂಕ್​ಫುಡ್​ ತಿನ್ನಬಾರದು ಎಂದು ಹೇಳಲು ನಾನು ಅವರ ಡಯಟಿಷಿಯನ್ ಅಲ್ಲ. ಹೀಗೇ ಮಾಡಬೇಕು ಎಂದು ಹೇಳಲು ನಾನು ಅವರ ತಾಯಿ, ಪ್ರಿನ್ಸಿಪಾಲ್, ಟೀಚರ್​ ಯಾವುದೂ ಅಲ್ಲ' ಎಂದು ಅವರ ಕಾಳೆಲೆದಿದ್ದಾರೆ.